فیروزخان نے شوبزکوخیرباد کہہ دیا

کراچی: پاکستان کے معروف اداکار فیروز خان نے شوبز انڈسٹری کو خیرباد کہہ دیا۔

ڈرامہ سیریئل خانی سے بے حد مشہورہونے والے اداکارفیروزخان نے کچھ عرصے قبل اپنا انسٹاگرام اکاؤنٹ بند کردیا تھا جس کے بعد ان کے بہت سے مداح افسردہ ہوگئے تھے تاہم انسٹاگرام بند کرنے بعد ان کی جانب سے کوئی بیان جاری نہیں کیا گیا لیکن ان کی اہلیہ نے اپنی انسٹاگرام اسٹوری کے ذریعے بتایا تھا کہ “یہ روحانی سفرآپ کی زندگی میں مزید اعتماد لائے اورآپ اپنے مقصد میں کامیاب ہوں۔”

– my fans have been waiting for a statement from me. I announce that I quit the showbiz industry and will only act and provide my services for the teaching of Islam through this platform if needed else anything but this InshAllah,Request you all to pray for me and my loved ones.

— Feroze Khan (@ferozekhaan) March 6, 2020

تاہم اب اداکارنے اپنے ٹوئٹراکاؤنٹ پرمداحوں کے لیے ایک پیغام لکھا جس میں ان کا کہنا ہے کہ میرے مداح میری جانب سے آنے والے بیان کا انتظارکررہے ہیں تو ان کے لیے اعلان یہ ہے کہ میں شوبز انڈسٹری کو خیرباد کہہ رہا ہوں

اداکارنے مزید کہا کہ اگرضرورت پڑی تو وہ وہ اب اداکاری محض اسلام کی تعلیمات کے لیے ہی کریں گے۔ اداکار نے اس کے علاوہ اپنے مداحوں سے نیک تمناؤں اور دعاؤں کی درخواست بھی کی۔

اس سے قبل اداکارنے میڈیا پرچلنے والے عورت مارچ سے متعلق بھی ایک ٹوئٹ شیئر کی اور لکھا کہ جو حق ہے وہ سچ ہے۔