بالی ووڈفنکاروں کی جانب سے امت مسلمہ کو رمضان کی مبارکباد
ممبئی: ماہ رمضان کے آغاز کے ساتھ ہی جہاں دنیا بھر کے مسلمانوں نے ایک دوسرے کو اس بابرکت مہینے کی مبارکباد دی وہیں بالی ووڈ فنکاروں نے بھی امت مسلمہ کو سوشل میڈیا پر آمد رمضان کی مبارکباد دینے کے ساتھ اپنی حفاظت کرنے ، ایک دوسرے کے ساتھ ہمدردی اور تعاون کرنے کے پیغامات دئیے۔
بالی ووڈ کے شہنشاہ امیتابھ بچن ہر سال امت مسلمہ اور اپنے مسلم مداحوں کو رمضان مبارک کا پیغام دیتے ہیں۔ گزشتہ روز بھی انہوں نے ٹوئٹر پر تمام مسلمانوں کو رمضان کی مبارکباد دینے کے ساتھ امن اور محبت کی دعا کی اور تمام لوگوں کو اپنی حفاظت کرنے کی ہدایت کی۔
T 3510 – Ramadan Mubaarak .. wishes for peace and love ..
and be safe .. pic.twitter.com/jsPxvP9mTA— Amitabh Bachchan (@SrBachchan) April 23, 2020
اداکارہ سونم کپور نے انسٹاگرام پر لکھا میرے تمام بھائیوں اور بہنوں کو رمضان کریم کی مبارک۔
بالی ووڈ اداکارہ زرین خان نے ٹک ٹاک اور انسٹاگرام پر اپنے ویڈیو پیغام میں کہا آپ سب کو میری طرف سے چاند مبارک اور رمضان کا یہ پاک مہینہ بہت بہت مبارک۔
بالی ووڈ اداکار عمران ہاشمی نے مسجد اور چاند کی ایک خوبصورت تصویر شیئرکی اور رمضان کی مبارکباد کے ساتھ تمام لوگوں کے لیے دعا کی کہ اس رمضان خدا آپ سب کو صحت اور خوشیاں دے۔
This Ramadan may God bless you with health and happiness. #RamadanMubarak pic.twitter.com/rtFTJhZk7c
— Emraan Hashmi (@emraanhashmi) April 24, 2020
بالی ووڈ اداکارہ ہماقریشی نے دنیا بھر میں پھیلی کورونا وبا کے پیش نظر تمام لوگوں کو ہدایت کی کہ اس بابرکت مہینے میں ایک دوسرے کے ساتھ ہمدردی اور تعاون کریں اور ایک دوسرے کی مدد کریں۔ اس کے علاوہ انہوں نے کورونا کے خلاف لڑرہے ڈاکٹرز اور پیرامیڈیکس اسٹاف کے لیے بھی خصوصی دعا کی اور لوگوں کو گھروں میں رہنے اور اپنی حفاظت کرنے کی ہدایت کی۔
