ہارون نے 10 سال بعد نیا گانا ریلیزکردیا

کراچی: مشہورپاکستانی گلوکارہارون نے 10 سال بعد نیا گانا ’ ڈھونڈوں گا‘ ریلیزکردیا ہے۔

پاکستان کے مشہورومعروف گلوکارہارون نے 10 سال بعد اپنا گانا ریلیز کیا اوراس متعلق انہوں نے سماجی رابطے کی ویب سائٹ ٹوئٹر پر بتایا کہ 10 سال میں اپنی پہلی سولو میوزک ’ڈھونڈوں گا‘ شیئرکرنے پربے حد پرجوش ہیں۔ انہوں نے لکھا کہ اس گانے کی تاریخ جاننے کے لیے ان کے مداح یوٹیوب پرجاکرپڑھیں جہاں انہوں نے گانے کی ریلیزسے متعلق بتایا ہے۔

اس حوالے گلوکارنے کہا کہ انہوں نے ’ڈھونڈوں گا‘ کی ویڈیو چند سال قبل بنائی تھی لیکن اسے ریلیز نہیں کرسکے تھے کیونکہ اس وقت وہ برکا ایونجر کے ساتھ مصروف تھے۔

Super excited to share my first solo #musicvideo in 10 years. #Dhundoonga. The #facebook upload got 300k views in a few hour’s now sharing the #Youtube link. Enjoy. Do read the interesting history behind the song on the youtube notes. #Haroonnewsong https://t.co/r2HazgE7Uf

— Haroon (@TheRealHaroon) April 22, 2020

گلوکار نے لکھا کہ اس وقت سب کووڈ کے باعث گھروں میں ہیں تو انہوں نے سوچا کہ اس گانے پر کام کرکے ریلیز کیا جائے اور پاکستان کے حساب سے یہ میوزک وڈیوانتہائی منفرد بھی ہے۔

اس گانے کے بول صابرظفرنے تحریر کیے، جبکہ ویڈیو کی ہدایات عزیر ظہیر خان نے دی اورگلوکارکی اس وڈیو کو سوشل میڈیا پربے حد پسند کی جارہی ہے۔

واضح رہے کہ گلوکاررواں سال پاکستان سپرلیگ کے لیے بنائے گانے ’تیار ہو‘ میں بھی جلوہ گر ہوئے تھے تاہم ان کے کریڈٹ پر بے شمارمشہورگانے ہیں۔