پاکستان نے کورونا ٹیسٹنگ کٹ تیار کر لی، ڈریپ نے بھی منظوری دے دی

اسلام آباد : پاکستان نے کورونا ٹیسٹنگ کٹ بھی تیار کر لی ہے جس کے پاکستان ڈریپ ریگولیٹری اتھارٹی نے بھی اس کی منظوری دے دی ہے۔ اس حوالے سے وفاقی وزیر برائے سائنس اینڈ ٹیکنالوجی فواد چوہدری نے ٹویٹر پر پیغام جاری کرتے ہوئے یہ خبر دی ہے جس میں ان کا کہنا تھا کہ پاکستان نے ایک اور کامیابی حاصل کر لی ہے، ہم نے کورونا ٹیسٹنگ کٹ تیار کر کے ڈریپ کو بھی دکھا دی ہے جس کے بعد اسے منظور کر لیا گیا ہے۔

کٹ تیار کرنے والوں کے نام پیغام جاری کرتے ہوئے وفاقی وزیر کا کہنا تھا کہ نسٹ اور ہمارے سائنسدانوں کو مبارک ہو، آپ لوگوں نے ہمارا سر فخر سے بلند کردیا، اس ٹیسٹنگ کٹ کی مدد سے کورونا وائرس کے لیے ہونے والے ٹیسٹ کی لاگت میں نمایاں کمی آئی گی اور ہم برآمدات سے بھی بچ جائیں گے۔

Another landmark achieved…. DRAP has approved Pakistan first COVID testing kit, Congratulations to @Official_NUST and our brilliant scientists …you people have made us proud … this ll bring significant cost reduction of COVID tests also ll save huge import bill

— Ch Fawad Hussain (@fawadchaudhry) June 12, 2020

خیال رہے کہ پاکستان میں اس وقت بڑھتے ہوئے کیسز کی تعداد کے حوالے سے دیکھا جائے تو ٹیسٹنگ کی رفتار میں تیزی لانے کی اشد ضرورت ہے۔

ایسے مشکل وقت میں جب کورونا پھیلنے کی رفتار تیز ہوتی جا رہی ہے، پاکستان کا کورونا ٹیسٹنگ کٹ تیاکر لینا بہت اچھی خبر ہے۔ پاکستان میں کورونا کی مجموعی صورتحال کا جائزہ لیا جائے تو گزشتہ چوبیس گھنٹوں کے دوران ملک بھر میں مہلک کورونا وائرس کے باعث 100 سے زائد افراد جاں بحق ہوئے ہیں۔ جاری اعداد و شمار کے مطابق گزشتہ روز پاکستان میں کورونا کے 6 ہزار 397 نئے کیسز رپورٹ ہوئے ہیں جس کے بعد پاکستان میں متاثرہ افراد کی مجموعی تعداد 1 لاکھ 25 ہزار 933 کی سطح کو جا پہنچی ہے۔

میڈیا رپورٹس کے مطابق پاکستان میں گزشتہ چوبیس گھنٹوں کے دوران 107 افراد وائرس کے باعث جان کی بازی ہار گئے ہیں جس کے بعد ملک میں کورونا سے جاں بحق افراد کی تعداد 2 ہزار 463 ہو گئی ہے۔ سرکاری اعداد و شمار کے مطابق اب تک ملک بھر میں 40 ہزار 247 افراد کورونا وائرس کو شکست دینے میں کامیاب ہوئے ہیں۔