انوشکا اور ویرات نے ننھے مہمان کی آمد کی خوشخبری سنا دی
ممبئی: بھارتی کرکٹ ٹیم کے مایا ناز کرکٹر ویرات کوہلی اور بالی ووڈ اداکارہ انوشکا شرما نے اپنے گھر ننھے مہمان کی آمد کی خوش خبری سنا دی ہے۔
ویرات کوہلی نے انسٹام گرام پر اپنی اور اور انوشکا شرما کی ایک تصویر شیئر کی جس میں وہ دونوں مسکراتے نظر آرہے ہیں جب کہ تصویر سے ظاہر ہو رہا ہے کہ انوشکا اُمید سے ہیں۔
ویرات کوہلی کی جانب سے شیئرکردہ تصویر کے کیپشن میں انہوں نے یہ بھی کہا کہ اور اس پھر ہم اس طرح دو سے تین ہو جائیں گے۔ جب کہ ویرات نے ننھے مہمان کی آمد کے حوالے سے کہا کہ 2021 کے جنوری میں بچے کی پیدائش متوقع ہے۔
دوسری جانب انوشکا شرما کی جانب سے بھی ٹوئٹرپر مداحوں سے خوش خبری کا ذکر کیا گیا جس کے بعد دنیا بھر میں موجود اُن کے مداحوں کی جانب سے مبارکباد اور نیک تمناؤں کا اظہار کیا گیا۔
And then, we were three! Arriving Jan 2021 ❤️🙏 pic.twitter.com/iWANZ4cPdD
— Anushka Sharma (@AnushkaSharma) August 27, 2020
واضح رہے کہ انوشکا شرما اور ویرات کوہلی 2017 میں رشتہ ازدواج میں منسلک ہوئے تھے۔شادی کی تقریب اٹلی میں منعقد ہوئی تھی جس میں دونوں فنکاروں کے قریبی رشتہ داروں اور دوستوں نے شرکت کی تھی۔
