کراچی میں لڑکی سے بدسلوکی کے الزام میں 3 افراد گرفتار
کراچی: نارتھ ناظم آباد میں نوجوان لڑکی سے بدسلوکی کا مقدمہ درج کرکے نامزد تین ملزمان کو پولیس نے گرفتار کرلیا ، تینوں افراد باپ بیٹے ہیں۔
منگل کو رات گئے نارتھ ناظم آباد کے علاقے بی بلاک میں نوجوان لڑکی نے الزام عائد کیا کہ اسے راستے میں کچھ افراد نے روکا اور فلیٹ کی چھت پر لے جانے کی کوشش کی۔ اس دوران مزاحمت پر اس کے چہرے اور گردن پر خراشیں بھی آئیں۔
واقعے کے بعد لڑکی اپنے اہل خانہ کے ہمراہ نارتھ ناظم آباد تھانے پہنچ گئی جہاں پولیس نے واقعے کا مقدمہ الزام نمبر 204/2020 بجرم دفعہ 354/504/337 کے تحت تین نامزد ملزمان کے خلاف درج کرلیا۔
نارتھ ناظم آباد میں لڑکی کے ساتھ مبینہ طور پر زیادتی کی کوشش۔ ذرائع
لڑکی گھر جارہی تھی راستہ میں دو لڑکوں نے روکا اور تشدد کا نشانہ بنایا۔
نیہا نامی لڑکی کے اہلخانہ نے تھانے پہنچ کر شور شرابہ کیا،
اطلاع کر نے پر 15مددگار پولیس موقع پر پہنچی ، لیکن پولیس نے گرفتار نہیں کیا۔متاثرہ pic.twitter.com/44cs4lobKN— محمد عمیر دبیر (@UmairDabeer) September 15, 2020
متاثرہ خاندان کا الزام تھا کہ مددگارون فائیو پر کال کرنے کے بعد پولیس نے جب ان تین افراد کو پکڑا تو راستے میں ہی انھیں چھوڑ دیا۔ بعدازاں پولیس نے علاقے میں کارروائی کرتے ہوئے تینوں ملزمان حماد خان اور فواد خان کو ان کے والد نذیر خان سمیت گرفتار کرلیا۔
پولیس کا کہنا ہے کہ لڑکی کے میڈیکل رپورٹ کی روشنی میں قانونی کارروائی کو مزید آگے بڑھایا جائے گا، لڑکی کے چہرے پر ناخن کے نشانات ہیں۔
