چکوال روڈ پر مسافر وین حادثے کا شکار، 4 افراد جاں بحق اور 12 زخمی

چکوال: اعجاز آباد کے قریب مسافر وین کو حادثہ پیش آیا جس کے نتیجے میں 4 افراد جاں بحق اور 12 زخمی ہوگئے۔

چکوال روڈ پر اعجازآباد کے قریب مسافر وین کو حادثہ پیش آیا، حادثے میں 4 افراد موقع پر ہی دم توڑ گئے جب کہ 12 افراد زخمی ہوگئے۔

حادثے کی اطلاع ملتے ہی ریسکیو اور پولیس کے اہلکار جائے حادثہ پہنچ گئے اور زخمیوں اور لاشوں کو اسپتال منتقل کردیا گیا، پولیس حکام کا کہنا ہے کہ بدقسمت گاڑی چکوال سے چوآسیدن شاہ جارہی تھی کہ تیز رفتاری کے باعث حادثے کا شکار ہوگئی۔