بہروز سبزواری نے کورونا کو شکست دیدی

کراچی: سینیئر اداکار بہروز سبزواری نے کورونا وائرس کو شکست دے دی۔

چند روز قبل اداکار بہروز سبزواری بھی کورونا کی دوسری لہر کا شکار ہوگئے تھے۔ ان کے بیٹے شہروز سبزواری نے اپنے والد میں کورونا وائرس کی تصدیق کرتے ہوئے کہا تھا کہ ان کے والد اسپتال میں زیرعلاج ہیں تاہم ان کی حالت خطرے سے باہر ہے۔

گزشتہ روز شہروز سبزواری نے ہی انسٹاگرام اسٹوری میں اپنے والد کی صحت سے متعلق مداحوں کو آگاہ کرتے ہوئے کہا خدا کی مہربانی سے اب ان کے والد بالکل ٹھیک ہیں اور اسپتال سے گھر منتقل ہوگئے ہیں۔ انہوں نے اپنے والد کی صحت یابی کے لیے دعا کرنے والے لوگوں کا شکریہ بھی ادا کیا۔

واضح رہے کہ اداکارہ نیلم منیر بھی کورونا وائرس کا شکار ہوگئی ہیں گزشتہ روز انہوں نے کووڈ 19 ٹیسٹ مثبت آنے کی تصدیق کرتے ہوئے تمام لوگوں سے دعاؤں کی اپیل کی تھی۔