2 سال تک ٹیکسی ڈرائیور نے ہراساں کیا،عمران خان کی سابق اہلیہ کا انکشاف

برطانیہ : وزیراعظم عمران خان کی سابق اہلیہ اور پروڈیوسر جمائما گولڈ اسمتھ بھی ہراسگی کا شکار رہیں۔تفصیلات کے مطابق وزیراعظم عمران خان کی سابق اہلیہ جمائما گولڈ اسمتھ نے انکشاف کیا ہے کہ انہیں دو سال تک ٹیکسی ڈرائیور نے ہراساں کیا۔سماجی رابطے کی ویب سائٹ ٹویٹر پر ٹویٹ کرتے ہوئے برطانوی صحافی نے کہا کہ ’مجھے نہیں لگتا کہ مرد یہ سمجھ سکتا ہے کہ ہم عورتیں بچپن سے ہی اپنے آپ کو کیسے دبا کر رکھتی ہیں۔

میں 14 سالہ کی عمر سے چابیاں اپنے ساتھ رکھتی ہوں اور اب بھی یہی سوچتی ہوں کہ اگر کوئی مجھے ہراساں کرے گا تو کیا مجھے چیخنے چلانے کی ضرورت ہے یا نہیں۔

I'm not sure any man truly understands how we absorb our fear from such an early age. I carried my keys through my fingers from the age of 14. I still dress from the shoes up, mentally calculating whether I might need to run.

— Jojo Moyes (@jojomoyes) March 10, 2021

صحافی کی جانب سے کی گئی ٹویٹ پر جمائما گولڈ اسمتھ نے کہا کہ جی ہاں کچھ لوگوں ایسے بھی ہیں جو پیدل چلنے کی ڈر کی وجہ سے ٹیکسی میں سفر کرتے ہیں مگر انہیں بتاتی چلوں کہ یہ بھی محفوظ نہیں۔

جمائما نے سوالیہ انداز میں کہا کہ آپ میں سے کتنے لوگوں کو سفر کے دوران مرد ٹیکسی ڈرائیور سے ڈر لگا ہے ؟جمائما نے انکشاف کیا کہ میرے پاس ایک ٹیکسی ڈرائیور تھا جس نے مجھے دو سال تک ہراساں کیا۔

Yes. And for those lucky enough to be able to afford an Uber or cab when too sacred to walk- that’s not always safe either- how many times have you felt scared with a male driver? I had a cab driver stalker who harassed me for two years.

— Jemima Goldsmith (@Jemima_Khan) March 11, 2021

واضح رہے کہ وزیراعظم عمران خان کی سابقہ اہلیہ جمائما گولڈ اسمتھ اب بھی وزیراعظم عمران خان کی بہترین دوست ہیں۔ بچوں کی وجہ سے دونوں کے مابین اچھے تعلقات ہیں ۔

جمائما گولڈ اسمتھ نے سابقہ اہلیہ ہونے کے باوجود عمران خان کی دوسری اور تیسری شادی پر انہیں مبارکباد پیش کی جبکہ وہ اکثر ان کے اچھے اقدامات اور فیصلوں کو سراہتے ہوئے بھی نظر آتی ہیں۔ جمائما گولڈ اسمتھ کی جانب سے وقتاً فوقتاً عمران خان کے لیے نیک خواہشات کا اظہار بھی کیا جاتا ہے یہی وجہ ہے کہ ٹویٹر صارفین ” عمران خان سے محبت” سے متعلق اکثر ہی ان سے سوالات کرتے نظر آتے ہیں