بیرون ملک پاکستانیوں نے ترسیلات زر کا ریکارڈ قائم کر دیا

اسلام آباد : بیرون ملک پاکستانیوں نے ترسیلات زر کا ریکارڈ قائم کر دیا ۔ اس حوالے سے مائیکروبلاگنگ ویب سائٹ ٹویٹر پر اپنے پیغام میں وزیراعظم عمران خان نے کہا کہ کورونا کے باوجود بیرون ملک پاکستانیوں نے ترسیلات زر کا ریکارڈ قائم کیا ہے۔ وزیراعظم عمران خان کا کہنا تھا کہ اوورسیز پاکستانیوں نے لگاتار دسویں ماہ ریکارڈ 2 ارب ڈالر بھیجے ہیں۔

اوورسیز پاکستانیوں کی ملک سے محبت اور عزم غیر متزلزل ہے۔وزیراعظم عمران خان نے ٹویٹر پیغام میں کہا کہ مارچ میں ترسیلات زر 43 فیصد اضافے سے 2 ارب 50 کروڑ ڈالر رہیں۔ ترسیلات زر میں26فیصد اضافے پر سمندرپار پاکستانیوں کے شکرگزار ہیں۔

The love & commitment of Overseas Pakistanis to Pakistan is unparalleled. You sent over $2bn for 10 straight mths despite Covid, breaking all records. Your remittances rose to $2.7bn in Mar, 43% higher than last yr. So far this fiscal yr, your remittances rose 26%. We thank you

— Imran Khan (@ImranKhanPTI) April 12, 2021

خیال رہے کہ عالمی وبا نے دنیا بھر میں کئی جانوں کو نگلا اور تا حال کورونا کے باعث دنیا بھر میں اموات کا سلسلہ جاری ہے۔
دوسری جانب پاکستان سمیت دنیا کے کئی ممالک میں کورونا کی ویکسین لگانے کے عمل کا بھی آغاز ہو چکا ہے ۔ پاکستان میں بھی کورونا کی ویکسینیشن جاری ہے اور دوسرے مرحلے میں 60 سال سے بڑی عمر کے افراد کو ویکسین لگائی جا رہی ہے۔ خیال رہے کہ عالمی وبا کورونا وائرس کے سبب دنیا میں 13 کروڑ 66 لاکھ 39 ہزار سے زائد افراد متاثر اور 29 لاکھ 49 ہزار 408 افراد ہلاک ہو چکے ہیں۔