آئی ایم ایف نےقرض کے بدلے ہمارا سب کچھ لکھوا لیا

لندن : گورنر پنجاب چودھری سرور کا کہنا ہے کہ عالمی مالیاتی ادارے آئی ایم ایف نے قرض کے بدلے ہم سے سب کچھ لکھوا لیا ہے۔ تفصیلات کے مطابق لندن میں ایک تقریب سے خطاب کرتے ہوئے گورنر پنجاب اپنے ہی بیان سے پیچھے ہٹ گئے اور کہا کہ پاکستان میں قیادت سے متفق نہ ہوں تو کہا جاتا ہے کہ اختلاف پیدا ہو گئے۔

انہوں نے کہا کہ پارٹی کی طرف سے عہدہ چھوڑنے کا کہا جانا جھوٹ ہے جبکہ سائیڈ لائن کیے جانے کا تاثر بھی درست نہیں ہے۔ آئندہ سال جماعتی بنیادوں پر مقامی حکومت کے انتخابات کروائیں گے۔ آئی ایم ایف سے لیے گئے قرض کے حوالے سے گورنر پنجاب چودھری سرور نے کہا کہ آئی ایم ایف نے 60 لاکھ ڈالرقرض کے بدلے ہماراسب کچھ لکھوا لیا ہے۔ تقریب سے خطاب میں انہوں نے مزید کہا کہ جس ملک میں سزا و جزا کا نظام نہیں وہ نہیں چل سکتا ۔

ہم نے خیبرپخونخواہ میں جزا و سزا کا نظام قائم کیا۔ خیبرپختونخواہ پولیس کی کارکردگی برطانیہ سے کم نہیں ہے۔ ہم نے خیبرپختونخواہ میں میں ڈیلیور کیا، جہاں عوام نے ہمیں منتخب کیا اور دو تہائی اکثریت دی۔ یاد رہے کہ تین روز قبل لندن میں میڈیا سے گفتگو کرتے ہوئے گورنر پنجاب چودھری سرور نے کہا تھا کہ گورنر بننے کی خواہش نہیں تھی لیکن پارٹی نے رسمی عہدہ دے کر سائیڈ لائن کر دیا۔