نواز شریف سے اہم حلقوں کے رابطے

اسلام آباد : سینئر صحافی عمران یعقوب خان کا کہنا ہے کہ نواز شریف سے اہم حلقوں نے رابطے کیے ہیں جس کا مقصد عمران خان سے چھٹکارا حاصل کرنا ہے۔انہوں نے نجی ٹی وی چینل کے پروگرام ویو پوائنٹ میں گفتگو کرتے ہوئے کہا کہ پاکستان مسلم لیگ ن کے قائد نواز شریف سے لندن میں اہم سیاسی رہنماؤں نے ملاقات کی ہے۔

ہمارے واقفان حال کے مطابق صرف ن لیگ اور پیپلزپارٹی کو اکٹھا کرنے کی کھچڑی نہیں پک رہی بلکہ کھچڑی یہ پک رہی ہے کہ وزیراعظم عمران خان سے چھٹکارا کیسے حاصل کیا جائے۔انہوں نے مزید کہا کہ صرف سیاسی رہنماؤں کی نواز شریف سے ملاقات نہیں ہوئی بلکہ کچھ اور اہم لوگوں نے بھی نواز شریف سے ملاقاتیں کی ہیں۔نواز شریف نے جو سگنل دیا ہے کہ مسلم لیگ نون کی جانب سے وزارت عظمی کے اگلے امیدوار شہباز شریف ہوں گے یہ بھی ایسے ہی نہیں ہوا۔

وزیراعظم عمران خان نے بھی اپنی توپوں کا رخ ایک بار پھر شہباز شریف اور حمزہ شہباز کی جانب کر لیا ہے جس کے پیچھے یہی وجہ ہے۔کہا جارہا ہے کہ مارچ تک یا اس سے پہلے بھی کوئی بڑی تبدیلی آسکتی ہے۔

نواز شریف سے اہم حلقوں کے رابطے۔۔۔۔ مقصد عمران خان سے چھٹکارہ کیسے حاصل کیا جائے۔۔ واقفان حال کا بڑا انکشاف @imranyaqubkhan @PTIofficial @pmln_org @MediaCellPPP #ViewPoint #GNN pic.twitter.com/rMtnGfgJQ2

— GNN (@gnnhdofficial) December 17, 2021