نئے چیف جسٹس کو بڑھتی ہوئی تلخیوں کا چیلنج قبول کرنا ہو گا

اسلام آباد:پاکستان پیپلز پارٹی کے سینئر رہنما بیرسٹر اعتزاز احسن نے کہا ہے کہ نئے چیف جسٹس کو بڑھتی ہوئی تلخیوں کا چیلنج قبول کرنا ہو گا ۔92 نیوز کی رپورٹ کے مطابق انہوں نے مزید کہا کہ رانا شمیم ایک مذاق ہی بن گیا تھا، احسن بھون نوازشریف کے لیے بہت بڑا کام کر رہے ہیں۔اعتزاز احسن نے کہا کہ نئے چیف جسٹس سپریم کورٹ عمر عطا بندیال بڑے تحمل مزاج اور سنجیدہ شخصیت اور شائستہ زبان والے آدمی ہیں، نئے چیف جسٹس کو بڑھتی ہوئی تلخیوں کا چیلنج قبول کرنا ہو گا۔

موجودہ صورتحال کو سنبھالنے کی پوزیشن اگر کوئی رکھتا ہے تو وہ عمر عطا بندیال ہیں۔خیال رہے کہ جسٹس عمرعطا بندیال نے پاکستان کے 28 ویں چیف جسٹس کی حیثیت سے حلف اٹھا لیا۔