وزیراعظم شہباز شریف آج صدر مملکت سے ملاقات کریں گے

اسلام آباد: وزیراعظم شہباز شریف آج صدر مملکت ڈاکٹر عارف علوی سے ملاقات کریں گے۔ ذرائع کے مطابق وزیراعظم شہبازشریف آج دوپہر 2 بجے ایوان صدر میں صدر مملکت ڈاکٹر عارف علوی سے تفصیلی ملاقات کریں گے۔ ذرائع کا کہنا ہے کہ ملاقات میں چاروں صوبوں کے گورنرز کی تعیناتی کے علاوہ وزیراعظم شہبازشریف گورنر پنجاب کو ہٹانے کے لئے بھجوائی گئی سمری پے بھی بات کریں گے۔
اس سے علاوہ امور مملکت چلانے کیلئے باہمی تعاون کے طریقہ کار پر بھی بات ہوگی۔