ایشیا کپ ہاکی ٹورنامنٹ میں کل چار میچوں کا فیصلہ

جکارتہ:ایشین ہاکی فیڈریشن کے زیر اہتمام مینز ہاکی ایشیا کپ ٹورنامنٹ انڈونیشیا کے دارالحکومت جکارتہ میں بدھ کو کوئی میچ نہیں کھیلاگیا تاہم یک روز آرام کے بعد کل جمعرات کو مزید چار میچز کھیلے جائیں گے اس سلسلے میں پول اے کا پہلا میچ پاکستان اور جاپان کے درمیان کھیلا جائے گا، پاکستان کی ٹیم اب تک دو میچز کھیل چکی ہے ، پہلے پول میچ میں پاکستان اور بھارت کے درمیان مقابلہ 1-1 گول سے برابر رہا جبکہ دوسرے میچ میں گرین شرٹس نے میزبان انڈونیشیا کی ٹیم کو یکطرفہ مقابلے کے بعد 0-13گول سے شکست دی تھی۔
پول اے کا دوسرا میچ دفاعی چیمپئن بھارت اور میزبان انڈونیشیا کی ٹیموں کے درمیان کھیلا جائے گا۔ اسی پول بی کا پہلا میچ اومان اور جنوبی کوریا کے درمیان کھیلا جائے گا اور پول بی کا دوسرا میچ ملائیشیا اور بنگلہ دیش کی ٹیموں کے درمیان کھیلا جائے گا۔