رمضان چھیپا نے عامر لیاقت حسین کی وصیت بتا دی
کراچی: چھیپا ویلفئیر کے بانی رمضان چھیپا نے دعویٰ کیا ہے کہ عامر لیاقت حسین نے اپنے کفن دفن کی مجھے وصیت کی تھی۔میڈیا رپورٹس کے مطابق عامر لیاقت حسین نے کچھ عرصہ قبل ان سے بات کی تھی اور کہا تھا کہ مجھے آپ نے ہی سنبھالنا ہے۔انہوں نے کہا تھا کہ میرے مرنے کے بعد کفن دفن کا انتظام آپ نے ہی کرنا ہے۔عامر لیاقت حسین کی وصیت کے مطابق رمضان چھیپا ہی ان کے کفن دفن کے معاملات دیکھ رہے ہیں۔
جبکہ ایس ایس پی ایسٹ رحیم شیرازی کا کہنا ہے کہ عامر لیاقت کی پوسٹ مارٹم رپورٹ کے بعد موت کی وجہ معلوم ہو گی، ان کے حوالے سے اطلاع دوپہر ایک بجے ملی تھی۔عامر لیاقت سے متعلق اطلاع ان کے ملازم نے دی تھی۔ عامر لیاقت کے ساتھ دو ملازمین رہائش پذیر تھے، تاحال انکے اہلخانہ سے رابطہ نہیں ہو سکا۔
عامر لیاقت کی موت کی وجہ جاننا ضروری ہے، مخلتف پہلوؤں سے تفتیش کی جائے گی ۔
