” ارشد شریف کا دبئی کا ویزا ایکسپائر نہیں ہوا، تقریباً 18 ..” کاشف عباسی کا تہلکہ خیز انکشاف
اسلام آباد (ویب ڈیسک ) سینئر صحافی کاشف عباسی نے فیصل واوڈا کے الزامات کی تردید کرتے ہوئے کہنا ہے کہ ارشد شریف کے ویزہ ایکسپائر ہونے میں 18دن باقی تھے اور انہیں دبئی اتھارٹی نے ملک سے نکل جانے کا کہا تھا اور اس بات کے گواہ خود فیصل واوڈا صاحب ہیں، جو پریس کانفرنس میں کہہ رہے تھے کہ ارشد شریف کا ویزہ ایکسپائر ہو گیا تھا۔
نجی ٹی وی اے آر وائے کے اینکر پرسن کاشف عباسی نے اپنے پروگرام میں فیصل واوڈا کے الزامات اور ارشد شریف کے کینیا جانے سے متعلق واقع پر گفتگو کی اور کہا کہ میں ماریہ میمن اور خاور گھمن صاحب اے آر وائے نیوز کے سینئر نائب صدر عماد یوسف کی برتھ ڈے میں شریک تھے اس دوران ہم نے ارشد شریف کو دبئی میں کال کی اور بتایا کہ عماد یوسف صاحب کی برتھ ڈے ہے اور ہم دوست اکٹھے ہوئے ہیں، لیکن کال کے دوران ارشد شریف صاحب نے بتایا کہ میں دو منٹ بعد آتا ہوں دبئی اتھارٹی سے لوگ آئے ہیں اور نیچے لابی میں میرا انتظار کر رہے ہیں،تو ہم نے پوچھا کہ کیا کہہ رہے ہیں؟ تو ارشد شریف نے کہا کہ میں ابھی ان سے ملا نہیں ہوں مل کر آتا ہوں، اور جب بعد میں بات ہوئی تو ارشد شریف نے بتایا کہ وہ مجھے کہہ رہے ہیں کہ آپ دبئی سے چلے جائیں اور یہ واقع فیصل واوڈا صاحب کے سامنے کا ہے جو کل پریس کانفرنس کر کے کہہ رہے تھے کہ ارشد شریف کا ویزہ ایکسپائر ہو گیا تھا ارشد شریف کے ویزہ ایکسپائر ہونے اب بھی 18دن رہتے تھے۔
کاشف عباسی کا کہنا تھاکہ میرے پاس میسجز بھی تھے ، لیکن ارشد شریف کے جنازے میں میرا موبائل چوری ہو گیا ہے ۔
فیصل واوڈا نے کل پریس کانفرنس میں جھوٹ بولا کہ دوبئی سے ارشدشریف کو زبردستی نہیں نکالا گیا ۔ نا ہی ارشد شریف کا ویزہ ختم ہوا تھا
بلکہ #ArshadSharif کو کہا گیا کہ اپ ملک چھوڑ دیں اور اسکے گواہ ہم ہی نہیں فیصل واوڈا بھی ہے
کاشف عباسی pic.twitter.com/cNywim4l72— Safina Khan (@SafinaKhann) October 27, 2022
کاشف عباسی نے مزید انکشاف کیا کہ ارشد شریف کو تھریٹ تھے اس لیے ہم نے اس کے بعد کوشش کی کہ کسی طریقے سے ارشد شریف کو لندن کا ویزہ مل جائے لیکن نہیں مل سکا ، کیونکہ ہمیں لگتا تھا کہ وہ برطانیہ میں محفوظ رہیں گے، لیکن ویزہ نہ ملنے کی صورت میں انہوں نے کینیا کا انتخاب کیا ۔
