بھارتی وزیراعظم نریندر مودی کی والدہ 99 برس کی عمر میں انتقال کر گئیں
اسلام آباد:بھارتی وزیراعظم نریندر مودی کی والدہ ہیرابین مودی 99برس کی عمر میں انتقال کر گئیں۔بھارتی میڈیا رپورٹس کے مطابق ہیرا بین مودی گجرات کی ایک کارڈیالوجی اسپتال میں زیر علاج تھیں،گذشتہ رات ان کی طبیعت بگڑ گئی تھی۔نریندر مودی نے ٹویٹر پر والدہ کو خراجِ تحسین پیش کیا۔
انہوں نے کہا ماں کی ایک بات ہمیشہ یاد رہتی ہے کہ ذہانت سے کام لو اور زندگی پاکیزگی کے ساتھ گزار دو۔
There is no greater loss than losing one’s mother. My condolences to Prime Minister @narendramodi on the passing away of his mother.
— Shehbaz Sharif (@CMShehbaz) December 30, 2022
وزیراعظم شہباز شریف نے بھارتی وزیراعظم نریند مودی کی والدہ کی وفات پر افسوس کا اظہار کیا ہے۔انہوں نے سماجی رابطے کی ویب سائٹ ٹویٹر پر بھارتی ہم منصب کی والدہ کی وفات پر افسوس کا اظہار کرتے ہوئے کہا کہ ماں کو کھونے سے بڑا کوئی نقصان نہیں۔شہباز شریف نے کہا کہ وزیراعظم نریندر مودی کی والدہ کے انتقال پر ان سے تعزیت کرتا ہوں۔
