4 ماہ سے لاپتہ صحافی عمران ریاض کی پہلی تصویر سامنے آ گئی

لاہور : چار ماہ سے لاپتہ معروف صحافی عمران ریاض گھر پہنچ گئے۔سیالکوٹ پولیس اور وکیل میاں علی اشفاق نے عمران ریاض کے بخریت ہونے کی تصدیق کر دی۔سیالکوٹ پولیس کی جانب سے سوشل میڈیا پر دعویٰ کیا گیا کہ اینکر عمران ریاض خان صاحب بازیاب ہو چکے ہیں۔ وہ اپنے گھر پہنچ چکے ہیں اور اپنے اہلخانہ کے ساتھ موجود ہیں۔
اب عمران ریاض کی ایک تصویر بھی سامنے آئی ہے جو ان کے وکیل کی جانب سے شئیر کی گئی۔میاں علی اشفاق نے سماجی رابطے کی ویب سائٹ ٹویٹر پر عمران ریاض کے ہمراہ تصویر شئیر کرتے ہوئے کہا کہ اس کا مجھ پر پمیشہ کے لئے حق اور میرے حصے کی ذمہ داریاں ختم نہ ہوں گی- اسکے ساتھ تھا، ہوں اور رہتی دنیا تک رہوں گا-انہوں نے مزید کہا کہ آپ سب بھی شہزادے کو دیکھ لیں