ن لیگ خطرناک ٹریپ میں پھنس رہی ہے

اسلام آباد :پاکستان پیپلزپارٹی کے سینئر رہنماء خورشید شاہ نے کہا ہے کہ ن لیگ خطرناک ٹریپ میں پھنس رہی ہے۔ نوازشریف عمر کے اس حصے میں طاقت ور حلقوں سے ڈیل کرکے اقتدار میں آئیں گے تو کی سیاست کیا بچے گی۔انہوں نے جیو جیوز کے پروگرام میں گفتگو کرتے ہوئے کہا کہ نوازشریف کی واپسی پر ریڈ کارپٹ ن لیگ نہیں کوئی اور بچھا رہا ہے۔
ن لیگ نے کافی تکلیفیں دیکھی ہیں، پہلے بھی کہہ چکا ہوں کہ بیک ڈور سیاست چھوڑ دیں۔کب تک بیک ڈور سیاست چلتی رہے گی۔خورشید شاہ نے کہا کہ نوازشریف کو کہہ رہا ہوں کیا کر رہے ہیں؟ پھر غلطی کرنا چاہ رہے ہیں، جو کسی کے کندھے پر چڑھ کر آئے گا تو اس میں فیصلہ کرنے کی کیا طاقت ہو گی؟ کیا اب بھی ہم نہیں سدھریں گے؟ نوازشریف عمر کے اس حصے میں طاقت ور حلقوں سے ڈیل کرکے اقتدار میں آئیں گے تو ان کی سیاست کیا بچے گی؟۔
نوازشریف کے ساتھ کیا ہوا؟ ہمارے ساتھ کیا ہوا؟ عمران خان کے ساتھ کیا ہوا ؟ کبھی ہم بیک ڈور سے نہیں آئے۔خورشید شاہ نے کہا کہ پہلی بار سپریم کورٹ نے پارلیمنٹ کی سپرمیسی کو تسلیم کیا ہے۔نواز شریف پورے ملک میں خطاب کریں ، لیکن طریقہ ہونا چاہئے۔یہ خطرناک ٹریپ ہے جس میں ن لیگ پھنس رہی ہے ۔ہم کبھی بیک ڈور سے نہیں آئے،ہم جمہوری لوگ ہیں۔