8فروری کو لاہور میں صرف شیر دھاڑے گا،مریم نواز
لاہور: پاکستان مسلم لیگ ن کی سینئر نائب صدر اور چیف آرگنائزر مریم نواز نے کہا ہے کہ گھس بیٹھیوں کو8 فروری کو اٹھا کر لاہور سے باہر پھینکنا ہے، اقتدار میں آکر پاکستان کی تقدیر بدلیں گے، آٹھ فروری کو لاہور میں صرف شیر دھاڑے گا۔ مریم نواز نے لاہور میں اپنی انتخابی مہم کے آغاز پر گجومتہ میں جلسے سے خطاب کرتے ہوئے کہا کہ گجومتہ والوں آپ کا بہت شکریہ کہتی ہوں آپ نے بھرپور استقبال کیا، آپ نے میرا چناو کیا جس پر آپ کی شکر گزار ہوں، شیر کو فتح یاب کراو وعدہ کرتی ہوں خدمت میں دن رات ایک کردوں گی۔
آپ کو پیشگی مبارک باد دیتی ہوں آٹھ فروری کو کوئی گھر نہیں بیٹھے گا جتنی تیزی سے شیر پر ٹھپے لگیں گے اتنی زیادہ ترقی آئی گی۔ مسلم لیگ (ن) فتح یاب ہو کر عوام کی خدمت کے لیے دن رات ایک کردے گی۔
انہو ں نے کہا کہ پنجاب میں ان کی جماعت نے خدمت کے ریکارڈ قائم کیے ہیں، شیر کو فتح سے ہمکنار کراو، خدمت میں دن رات ایک کردیں گے، آپ کو جگہ جگہ نوازشریف کے منصوبے نظر آئیں گے۔
پنجاب میں ان کی جماعت نے خدمت کے ریکارڈ قائم کیے ہیں، شیر کو فتح سے ہمکنار کراو، خدمت میں دن رات ایک کردیں گے، ان کا کہنا تھا کہ سابق حکمرانوں نے ترقی کا پہیہ جام کردیا تھا، لاہور کو لاوارث بنا دیا گیا تھا، آج لاہور کی سڑکوں پر کوئی کوڑا اٹھانے والا نہیں ہے۔ مریم نواز نے کہا کہ عوام 8 فروری کو ترقی کے دشمنوں کو اٹھا کر باہر پھینک دے گی۔
مریم نواز نے مزید کہا کہ فیروز پور روڈ پر کہیں اسپیڈو بس تو کہیں اورنج ٹرین نظر آ رہی ہے سب نواز شریف کی خدمت کے نشان ہیں، لاہور کو بتانا چاہتی ہوں مسلم لیگ ن نے خدمت کے ریکارڈ قائم کیے جب گھس بیٹھیے آئے تو خدمت کے نشان وہیں رہ گئے، اورنج لائن کو کئی سال ثاقب نثار نے روک کر رکھا تو پی ٹی آئی دور میں کوڑا اٹھانے والا نہیں تھا۔ انہوں نے کہا کہ ن لیگ کے دور حکومت میں میٹروبس سمیت اورنج لائن ٹرین منصوبے شرو ع کئے گئے مخالفین کی سازشوں کے باوجود یہ منصوبے پایہ تکمیل تک پہنچے ۔
