پیرا اولمپکس 2024ء: حیدر علی نے مردوں کی ڈسکس تھرو میں کانسی کا تمغہ جیت لیا

پیرس : پاکستان کے پیرا ایتھلیٹ حیدر علی نے جمعہ کو سٹیڈی ڈی فرانس میں مردوں کے ڈسکس تھرو ایف 37 ایونٹ میں اپنی چھٹی اور آخری کوشش میں 52.54 میٹر کا تھرو رجسٹر کرنے کے بعد کانسی کا تمغہ جیتا۔ اپنے سیزن کے بہترین تھرو کی بدولت انہوں نے اپنا چوتھا پیرا اولمپک تمغہ جیتا۔ اپنی پہلی کوشش میں اس نے 52.28 میٹر کا تھرو حاصل کیا اور اگلی چار کوششوں میں اسے بہتر بنانے میں محروم رہے۔
دریں اثناء ازبکستان کے تولی بوائے یلداشیف نے چوتھی کوشش میں 53.48 میٹر کے تھرو کے ساتھ ٹاپ پوزیشن پر چھلانگ لگائی اور پانچویں کوشش میں 56.03 میٹر کے تھرو کے ساتھ اپنی پوزیشن بہتر کی۔ اپنی چھٹی کوشش میں اس نے 57.28 میٹر تھرو کر کے طلائی تمغہ جیتا۔ کینیڈا کی جیسی زیسیو نے 53.24 میٹر کے تھرو کے ساتھ چاندی کا تمغہ جیتا۔ واضح رہے کہ حیدر علی نے ٹوکیو پیرالمپکس میں گولڈ میڈل جیتا تھا۔ ٹوکیو میں 2020ء گیمز سے قبل حیدر نے 2008ء میں چاندی کا تمغہ اور 2016ء میں بیجنگ اور ریو میں کانسی کا تمغہ جیتا تھا۔ اس نے گزشتہ سال ہانگزو میں 2022ء ایشین پیرا گیمز میں شاندار کارکردگی کے بعد 2024ء پیرس گیمز کے لیے براہ راست کوالیفائی کیا تھا جہاں انہوں نے F37 کیٹیگری میں 51.23 میٹر کی تھرو پھینکی تھی۔