بھارتی سپریم کورٹ نے مودی حکومت کو مقبوضہ کشمیر سے متعلق دھماکہ خیز حکم جاری کردیا

اسلام آباد(مانیٹرنگ ڈیسک)بھارت کی سپریم کورٹ نے مودی سرکار کو مقبوضہ کشمیر میں حالات معمول پر لانے کا حکم دیدیا،ا س کے علاوہ کانگریس کے رہنما غلام نبی کو بھی مقبوضہ کشمیر کا دورہ کرنے کی اجازت دیدی۔

انڈین میڈیا کے مطابق بھارتی سپریم کورٹ میں کانگریس رہنما غلام نبی کی مقبوضہ کشمیر کا دورہ کرنے سے متعلق درخواست پر سماعت ہوئی ، بھارتی سپریم کورٹ نے مقبوضہ کشمیر میں حالات معمول پر لانے کا حکم دیتے ہوئے کانگریس رہنما غلام نبی کومقبوضہ کشمیر کا دورہ کرنے کی اجازت دیدی۔

عدالت کا کانگریس رہنما غلام نبی کو وادی کے حالات رپورٹ کرنے کاحکم دیدیا،کانگریس رہنما 4 اضلاع سرینگر،بارہ مولہ، اننت ناگ اور جموں کا دورہ کریں گے۔یاد رہے بھارتی سپریم کورٹ میں کشمیر معاملے پر درخواست کی سماعت30 ستمبر کو ہوگی ۔