مریم نوازجیل منتقل ،بی کلاس دیدی گئی،جانتے ہیں انہیں کون کون سی سہولت دی جائیگی؟
اسلام آباد:چودھری شوگر ملز کیس میں گرفتار مریم نواز کوٹ لکھپت جیل منتقل ،محکمہ داخلہ کی اجازت کے بعد انہیں بی کلا س دے دی گئی ۔نجی ٹی وی کے مطابق چودھری شوگر ملز کیس میں نیب کی مزید جسمانی ریمانڈ کی استدعا مسترد ہونے کے بعد مریم نواز کو کوٹ لکھپت جیل منتقل کردیا گیا.
جیل منتقلی پر ان کا ابتدائی طبی معائنہ کیا گیا، مریم نواز کی آمد سے خواتین بیرک میں خاص صفائی کی گئی اور ڈینگی سپرے بھی کرایا گیا،مریم نواز کی بیرک میں نئے پردے لگائے گئے،پرزنزرولز 1978 کے تحت بی کلاس سہولیات دینے کے احکامات جاری کر دیئے گئے ہیں ،بی کلاس کے تحت مریم نوازکو گدے،ٹی وی،اخبارکی سہولت فراہم کی جائےگی ۔
