عاطف اسلم کے بیٹے کا غلط نام لکھنے پربھارتی میڈیا کی معافی
ممبئی: عالمی شہرت یافتہ گلوکارعاطف اسلم کے بیٹے کا نام غلطی سے ’’الحمد اللہ‘‘ لکھنے پربھارتی میڈیا نے معافی مانگ لی۔
چند روزقبل عاطف اسلم نے سوشل میڈیا پرخوشخبری شیئرکرتے ہوئے اپنے تمام چاہنے والوں کوبتایا تھا کہ ان کے گھرمیں ننھے مہمان کی آمد ہوئی ہے۔ عاطف اسلم نے تمام لوگوں کومخاطب کرتے ہوئے لکھا تھا ’’لیڈیزاینڈ جینٹلمین نیا مہمان الحمداللہ (اللہ کا شکر)۔ ماں اوربچہ دونوں صحت مند ہیں۔ ہمیں اپنی دعاؤں میں یاد رکھیں اور ماشااللہ کہنا نہ بھولیں۔‘‘
ہاں الحمد اللہ سے عاطف اسلم کی مراد اللہ کا شکرتھا لیکن دیسی مارٹینی نامی بھارتی ویب سائٹ نے ہیڈلائن میں لکھا کہ ’’عاطف اسلم اور ان کی اہلیہ کے گھر دوسرے بچے کی پیدائش ہوئی ہے اور انہوں نے اپنے بچے کانام الحمد اللہ رکھا ہے۔‘‘
سوشل میڈیاپر غلطی کی نشاندہی ہونے کے بعد دیسی مارٹینی سے وابستہ خاتون نے ٹوئٹرپراپنی غلطی کا اعتراف کرتے ہوئے کہا کہ میری زندگی کی یہ سب سے بدترین غلطی ہے لیکن جیسے ہی ہمیں ہماری غلطی کا احساس ہوا ہم نے فوراً غلطی درست کرلی۔ حالانکہ ہم سے دیرہوگئی لیکن اس غلطی سے ہم نے دوچیزیں سیکھیں پہلی ویب پرکام کرتے ہوئے بہت دھیان رکھیں۔ دوسری الحمد اللہ نام نہیں ہوسکتا۔ دل سے معافی کے طلبگارہیں۔
In retrospect, this is the silliest and one of the worst mistakes I have ever made. But as soon as we realised, we made the change. Too late though. But I learnt two things:
1. Be very careful on the web
2. Alhamdulilah cannot be a nameGenuinely sorry though
— Zinia Bandyopadhyay (@iamzinia) December 24, 2019
ھارتی ویب سائٹ دیسی مارٹینی نے بھی اپنے آفیشل ٹوئٹر اکاؤنٹ سے اپنی غلطی کا اعتراف کرتے ہوئے کہا کہ ہم نے غلطی سدھار لی ہے ہم دل سے معافی چاہتے ہیں۔
An error in our copy on #AtifAslam claiming the name of his child wrong has been fixed. We sincerely apologise for the error and any misunderstanding or misinterpretation it may have caused.
— Desimartini (@DMmovies) December 24, 2019
