50تولہ سونا اورمفت بائیکیں بانٹنے والے فنکارکہاں غائب ہیں؟ سوشل میڈیا صارفین
کراچی: سوشل میڈیا صارفین نے مختلف گیم شوز میں 50 تولہ سونا، گاڑیاں اور موٹر سائیکلیں مفت بانٹنے والے فنکاروں سے کہا ہے کہ اب یہ تمام اداکار کہاں غائب ہیں۔
کورونا وائرس کے باعث ملک بھر میں لاک ڈاؤن کی وجہ سے مزدور طبقہ بے حد پریشان ہے اس صورتحال میں سوشل میڈیا پر ایک صارف نے مختلف گیم شوز کے میزبانوں کو مخاطب کرتے ہوئے کہا ہے کہ وہ ٹی وی چینلز کہاں ہیں جو اپنے شو میں 50 تولہ سونا، گاڑیاں، بائیکیں اور نقدی رقم انعامات کے طور پر مفت بانٹا کرتے تھے، آج عوام میں 3 ہزار کا راشن ہی بانٹ دیں؟ کہاں ہیں فہد مصطفیٰ، دانش تیمور اور فیصل قریشی نظر نہیں آرہے؟
سوشل میڈیا صارف کی جانب سے کی جانے والی تنقید پر فیصل قریشی نے اپنا دفاع کرتے ہوئے کہا کہ لوگوں کو مفت گاڑیاں اور بائیکیں بانٹنا وہ سب اسپانسرز کا کمال تھا اور وہ گیم شو تھا لیکن میں ایک بات کی وضاحت کردوں کہ ہم سے جو ہوسکتا ہے ہم نے کیا ہے اور کررہے ہیں لیکن ہم نے دکھاوا نہیں کیا۔
Woh sponsors ka kamal tha aur game show tha per yeah baat clear karoon jo jo hosakta hey woh kiya hey aur kar rahay hain uss ka dikhawa nahi kiya ..sab k liye khair mangain https://t.co/OYTrPxAnZW
— Faysal Quraishi (@faysalquraishi) April 12, 2020
اداکار فیصل قریشی کی اس وضاحت پر عمران نامی شخص نے کہا دکھاوا نہ کریں لیکن اگر غریبوں کی مدد کی ہوتی تو نظر ضرور آتی۔ ہمارے فنکار سب گھروں میں بند ہوکر رہ گئے ہیں چلیں اللہ ہی حساب لے گا تم لوگوں سے۔ غصہ نہ کرو کون کیا کررہا ہے سب پتہ چل جاتا ہے۔
فیصل قریشی نے اس صارف کو جواب دیتے ہوئےکہا آپ کا مطلب ہے کہ ہم جس کی مدد کریں وہ دکھائیں؟
Kese nazar aati bhai … https://t.co/1UtYqnqIt3
— Faysal Quraishi (@faysalquraishi) April 12, 2020
