کون سانشہ کیاہے؟بھارتی شلپاشیٹھی اور تاپسی پنوں پربرس پڑے

بھارت کے 72ویں یوم جمہوریہ پربالی ووڈ اداکاری شلپاشیٹھی نے قوم کو مبارکباد تو دی مگر جلدبازی میں موقع اور دستوربھول گئیں، بھارتیوں نے یوم جمہوریہ پرشلپا کی جانب سے یوم آزادی کی مبارکباد دیے جانے پراداکارہ کے لتے لے لیے۔

اداکاری کے علاوہ فٹنس کے حوالے سے خوب نام کمانے والی شلپا سماجی رابطوں کی ویب سائٹ ٹوئٹرپر قوم کو مبارکباد دیتے ہوئے ہندی میں گڑبڑ کرگئیں۔ اورایسی ہی ایک غلطی اداکارہ تاپسی پنوں سے بھی ہوئی۔

بعد ازاں غلطی کی نشاندہی پراداکارہ نے اپنی ٹویٹ ڈیلیٹ کردی تاہم سوشل میڈیا صارفین نے اپنے تبصروں میں تنقید کے ساتھ ساتھ پُرمزاح جملے بھی کسے۔

ایک خاتون صارف نے شلپا کی ٹویٹ کااسکرین شاٹ شیئرکرتے ہوئے لکھا کہ یہ یوم آزادی نہیں ، یوم جمہوریہ ہے۔ اتنے سال بعد توقع کی جاسکتی ہے کہ آپ کو ان دونوں کا فرق سمجھ آیا ہوگا۔