اداکارہ جیا علی نے کرکٹ کوچ اور پی ٹی آئی رہنما سے شادی کر لی

لاہور : معروف اداکارہ جیا علی نے کرکٹ کوچ اور پی ٹی آئی رہنما عمران ادریس سے شادی کرلی۔ جیا علی اور عمران ادریس نے بادشاہی مسجد میں نکاح کیا، سادہ تقریب میں رشتہ داروں اور دوستوں نے شرکت کی۔تفصیلات کے مطابق معروف اداکارہ جیا علی شادی کے بندھن میں بندھ گئیں۔جیاعلی نے ہانگ کانگ میں مقیم پاکستانی بزنس مین اور کرکٹ کوچ عمران ادریس سے شادی کی۔

دونوں کے مابین کافی عرصے سے دوستی تھی۔عمران ادریس پروفیشنل کرکٹ کوچ ہیں جو ہانگ کانگ کی قومی ٹیم سمیت دنیا کے کئی ممالک میں کوچنگ کر چکے ہیں۔عمران ادریس اپنا بزنس بھی چلاتے ہیں۔اس کے ساتھ ساتھ ان کا حکمران جماعت پاکستان تحریک انصاف سے بھی گہرا تعلق ہے۔انہوں نے ایشین پیسیفک ممالک میں پی ٹی آئی کو متحرک کرنے میں اہم کردار ادا کیا۔

Actress Jia Ali Thursday tied the knot with Imran Idrees, a Pakistani businessman from Hong Kong ♥️ pic.twitter.com/nkA9XrQisK

— Showbiz & News (@ShowbizAndNewz) May 27, 2021

جیاعلی کا کہنا ہے کہ آج میں بہت خوش ہوں کیونکہ مجھے اپنا جیون ساتھی ملا ہے، شادی کی خوشی میں جلدی بڑی دعوت کا اہتمام کروں گی جس میں تمام دوستوں کو مدعو کیا جائے گا۔جیا علی لاہور میں سادہ سی تقریب میں شادی کے بندھن میں بندھ گئیں۔جی علی کے نکاح کی سادہ تقریب بادشاہی مسجد میں ہوئی جس میں ان کے نہایت قریبی رشتہ داروں اور دوستوں نے شرکت کی۔

واضح رہے کہ جیا علی نے اپنے کریئر کا آغاز بطور ماڈل کیا تھا تاہم انہیں حقیقی شہرت اپنی پہلی فلم دیوانے ’ تیرے پیار کے ‘ سے ملی۔یہ فلم 1997 میں ریلیز ہوئی تھی۔جیا علی کئی ڈراموں میں بھی کام کرچکی ہیں اور ان کے کام کو خوب پسند کیا جاتا ہے۔سوشل میڈیا پر بھی ان کی شادی کی تصاویر وائرل ہو رہی ہیں۔صارفین کی جانب سے جوڑے کو شادی کی مبارکباد دی جا رہی ہے۔