مائیکرو سوفٹ کے بانی بل گیٹس کو ہلالِ پاکستان سے نواز دیا گیا

اسلام آباد : مائیکرو سوفٹ کے بانی بل گیٹس کو ہلالِ پاکستان سے نواز دیا گیا۔ایوان صدر میں منعقدہ خصوصی تقریب میں بل اینڈ میلنڈا گیٹس کے شریک بانی بل گیٹس کو ہلال پاکستان سے نوازا گیا۔ایونِ صدر کی خصوصی تقریب میں وفاقی وزراء بھی شریک ہوئے۔صدرِ مملکت ڈاکٹر عارف علوی نے بل گیٹس کو ہلالِ پاکستان سے نوازا۔

مائیکرو سوفٹ کے بانی بِل گیٹس ایک روزہ دورے پر پاکستان پہنچے ہیں، وہ پہلی بار پاکستان آئے ہیں،قبل ازیں انہوں نے اسلام آباد میں انہوں نے انسدادپولیو پروگرام کا دورہ کیا۔ انہیں انسداد پولیو پروگرام کے سربراہ ڈاکٹر شہزاد بیگ نے بریفنگ دی اور کورونا سمیت پولیوکی روک تھام سے متعلق اقدامات سے آگاہ کیا۔ اس موقع پر معاون خصوصی براے صحت ڈاکٹر فیصل سلطان بھی موجود رہے۔

ذرائع کے مطابق بل گیٹس نے پولیو سے متعلق اقدامات کو سراہا اور کہا کہ پاکستان نے پولیو کے خاتمے کے لیے اقدامات کیے ہیں۔ ذرائع کے مطابق بل گیٹس نے پاکستان کے پولیو ورکرز، ہیلتھ ورکرز اور والدین کے تعاون کو بھی سراہا اور کہا کہ پولیو ورکرز اور والدین کے تعاون کے باعث پاکستان ایک سال سے پولیو فری ہے، پاکستان کے ساتھ پولیو پروگرام میں تعاون جاری رکھا جائے گا۔