وزیراعظم نے نئے ترقیاتی منصوبے جمع کرانیکی تاریخ بڑھادی

اسلام آباد: وزیراعظم شہباز شریف نے نئے منصوبے جمع کرانے کی تاریخ میں توسیع کردی۔

قومی اقتصادی کونسل نے پلاننگ کمیشن سے منظوری کے بعد پبلک سیکٹر ڈیولپمنٹ پروگرام میں شمولیت کے لیے وزارتوں کو اپنے منصوبے جمع کرانے کے لیے 31مارچ کی ڈیڈلائن دی تھی، تاہم وزیراعظم نے این ای سی کا چیئرمین ہونے کی حیثیت سے توسیع کردی۔

ذرائع نے ایکسپریس ٹریبیون کو بتایا کہ پلاننگ کمیشن ڈیڈ لائن کی توسیع اور نئی حکومت کی اسکیموں کی شمولیت پر راضی نہیں تھا۔ ڈیڈ لائن میں توسیع کے اگلے ہی روز حکومت نے نئے منصوبوں پر غور، ان کی منظوری اور پھر آئندہ مالی سال کے پبلک سیکٹر ڈیولپمنٹ پروگرام میں شمولیت کے لیے سینٹرل ڈیولپمنٹ ورکنگ پارٹی ( سی ڈی ڈبلیو پی) کا اجلاس بھی طلب کرلیا تھا۔