پی ٹی آئی لانگ مارچ کا نیا شیڈول جاری، اتوار تک جہلم پہنچے گا
گوجرانوالہ:پاکستان تحریک انصاف نے لانگ مارچ کا نیا شیڈول جاری کردیا، نئے شیڈول کے تحت لانگ مارچ کی اسلام آباد آمد میں مزید تاخیر ہوگی۔
تحریک انصاف کا لانگ مارچ اتوار کو جہلم پہنچے گا، عمران خان آج چن دا قلعہ سے مارچ شروع کر کے گوندالا والا باغ پر ختم کریں گے، لانگ مارچ کل ہندی بائی پاس سے شروع ہو کر گکھڑ منڈی پر اختتام پذیر ہو گا جبکہ جمعرات کو وزیر آباد سے گجرات تک کا سفر طے کیا جائے گا۔
نئے شیڈول کے مطابق جمعے کو گجرات سے لالہ موسیٰ تک لانگ مارچ پہنچے گا، لانگ مارچ ہفتے کو لانگ مارچ کھاریاں سے ہو کر سرائے عالمگیر پہنچے گا، اتوار کو سرائے عالمگیر سے لانگ مارچ جہلم پہنچے گا۔
