بھارتی کرکٹ ٹیم کے کپتان ویرات کوہلی 87سالہ کرکٹ کی مداح خاتون کے دیوانے ہوگئے

برمنگھم : بھارتی کرکٹ ٹیم کے کپتان ویرات کوہلی 87سالہ کرکٹ کی مداح خاتون کے دیوانے ہوگئے۔ گزشتہ روز ایونٹ کے 40ویں میچ میں برمنگھم کے میدان میں بھارت اور بنگلادیش کے میچ کے دوران بھی کرکٹ کی دیوانی 87 سالہ بھارتی ضعیف خاتون اپنی ٹیم کو سپورٹ کرنے پہنچی ہوئی تھیں۔کرکٹ کی مداح چارلاتا پٹیل نے چہرے پر بھارتی جھنڈا پینٹ کیا ہوا تھا اور بھارتی اننگز کے دوران ہاتھ میں غبارے والی سیٹی بجا کر بھارتی ٹیم کا مورال بلند کر رہی تھیں۔اپنی غیر معمولی سپورٹ سے خاتون نے ویرات کوہلی کی توجہ بھی اپنی جانب مبذول کروائی۔میچ جیتنے کے بعد کپتان ویرات کوہلی نے ٹوئٹراور انسٹا گرام پر معمر ترین خاتون کے جذبے کو سراہا۔ انہوں نے اپنے ٹوئٹ میں اپنے چاہنے والوں کی سپورٹ کا شکریہ ادا کرتیہوئے خصوصی طور پر 87سالہ خاتون کا تذکرہ بھی کیا۔ویرات کوہلی کی معمر خاتون کے ساتھ ا نسٹا گرام پر شیئر کی گئی تصویر کو بالی ووڈ فنکاروں نے بھی پسند کیا۔ انوشکا شرما ،رنویر سنگھ ،کرن واہی اورایشا گپتا نے کمنٹس کے ذریعے اپنی خوشی کا اظہار کیا۔میچ کے اختتام پردیگر بھارتی کرکٹرز نے خاتون سے خصوصی ملاقات بھی کی۔یاد رہے کہ بنگلادیش کے خلاف 28رنز سے میچ جیتنے کے بعدبھارت کی ٹیم سیمی فائنل میں پہنچ گئی ہے۔