نواز شریف نے اپنے دور حکومت میں کراچی کا امن بحال کیا، شہبازشریف
کراچی: سابق وزیراعظم اور مسلم لیگ ن کے صدر شہباز شریف کا کہنا ہے کہ نواز شریف نے اپنے دور حکومت میں کراچی کا امن بحال کیا۔
نواز شریف نے کراچی کو ہمیشہ خصوصی اہمیت دی ہے، کراچی میں بوری بند لاشیں ملتی تھیں، بھتہ خوری ہوتی تھی، کراچی میں صحافیوں سے گفتگو کرتے ہوئے شہباز شریف کا مزید کہنا تھا کہ قائد ن لیگ نے ہی کراچی کو گرین لائن کا منصوبہ دیا، نواز شریف سے دھاندلی کے ذریعے اقتدارچھینا گیا، اب ان کی قیادت میں بھرپور الیکشن مہم چلائیں گے۔
اقتدار میں آکر کراچی سے ٹینکر مافیا کا خاتمہ کریں گے۔ کراچی روشنیوں کا شہرہے، یہاں کے عوام کو خراج تحسین پیش کرتا ہوں، کراچی ملکی معیشت میں اہم کردار ادا کر رہا ہے، پاکستان بھر سے لاکھوں لوگ روزگار کے لیے یہاں موجود ہے۔انہوں نے کہا کہ کراچی پاکستان کا معاشی گیٹ وے ہے شہباز شریف کا کہنا تھا کہ مسلم لیگ ن کا منشور جلد عوام کے سامنے آئے گا، کراچی سے ٹینکر مافیا کا خاتمہ کریں گے، البتہ اب ہم سب مل کر قائد کے پاکستان کو خوشحال بنائیں گے۔
