آسٹریلیا سے شکست پر محسن نقوی کی پاکستانی ٹیم کو شاباشی

انہوں نے قومی ٹیم کو ڈٹ کر کھیلنے پر سراہتے ہوئے لکھا کہ کھلاڑیوں نے ہر ممکن کوشش کی اور بہترین طریقے سے لڑے۔

اُن کا کہنا تھا کہ یہ سیریز کا پہلا میچ تھا، امید ہے کہ ٹیم کم بیک کرے گی اور ہمارا سر فخر سے بلند کرے گی، کوشش کرتے رہو۔

محمد رضوان کی کپتانی میں یہ قومی کرکٹ ٹیم کا پہلا میچ تھا جس میں فتح کیلئے کرکٹ شائقین کافی پُرامید تھا، تاہم قومی ٹیم کی شکست پر کرکٹ شائقین نہ صرف مایوس ہوئے بلکہ چیئرمین پی سی بی کی ٹوئٹ پر حیران بھی نظر آئے۔

بعض لوگوں نے توجہ دلائی کہ محسن نقوی نے قومی ٹیم کو یہ ‘شاباشی’ اپنے اس حالیہ بیان کے تناظر میں دی ہے جس میں انہوں نے کہا تھا کہ ‘قومی کھلاڑی ہاریں تو لڑ کر ہاریں، افسوس تب ہوتا ہے جب قومی ٹیم لڑے بغیر ہار جاتی ہے’۔