گلوکارہ ماریا کیری کا مداحوں کیلئے بڑا اعلان

لاس اینجلس : امریکی گلوکارہ ماریا کیری کے گانوں کا نیا البم یکم نومبر کو ریلیز ہو گا۔ماریاکیری نے اپنے انسٹا گرام اکائونٹ پر اپنے گانوں کے نئے ٹونٹی ففتھ اینیورسری ایڈیشن البم ’’میری کرسمس‘‘ کے یکم نومبر کو ریلیز کا اعلان کرتے ہوئے کہا ہے کہ اینیورسری ایڈیشن ایک اوریجنل البم اور 1994کے ان کے مشہور گانے ’’آل آئی وانٹ فار کرسمس از یو‘‘ کی ری میکس سمیت دوسرے ری میکس گانوں پر مشتمل 2 سی ڈیز کے ساتھ لانچ ہو گا ۔

ان سی ڈیز میں کرسمس کی سجاوٹوں کی تصاویر کے ساتھ ماریا کیری کی تصاویر اور کرسمس پیغام بھی ہو گا۔49 سالہ ماریا نے انسٹاگرام پر اپنے پیغام کے ساتھ ایک وڈیو بھی اپ لوڈ کی ہے جس میں وہ ایک آئینہ پر گلابی لپ سٹکس کے ساتھ البم کا نام اور ریلیز کی تاریخ لکھ رہی ہیں۔